چومچه باليقلار صمدي باتيرديلار
معليم دئينده او ياديميزا دوشور. هاميميزين معليمي، يئنيلمز ( صمد بهرنگي ) نين غرور وئريجي خاطيره سينه.
صمد معليم
اوشاقلارا درس
كندده وئرردي.
اوشاقلارا درس
كندده وئرردي.
او بيري كنددن
بو بيري كنده،
آياقي ايله
قدمله يردي.
آياقي ايله
قدمله يردي.
ايستردي هر كس
اونو اوركدن.
او سئچمز ايدي كؤرپه اوشاقي
بئله بؤيوك دن.
بئله بؤيوك دن.
اوشاقلار اوچون
اؤز پولو ايله
كيتاب آلاردي.
اؤز پولو ايله
كيتاب آلاردي.
هر بير اوشاغين
قئيرينه قاليب
يادا سالاردي.
قئيرينه قاليب
يادا سالاردي.
او اوشاقلارين
فيكره گئتديلر.
چؤمچه باليقلار،
خوروشونو چكيب فيكره گئتديلر.
نييه بيزيم چون
اوشاقلار كيمي ي
يوخدور درس وئره،
اوشاقلار كيمي ي
يوخدور درس وئره،
صمد معليم.
آرازدا بير گون
چيمنده صمد،
چيمنده صمد،
اؤپدولر اونلار
دوداقلاريندان.
چكديلر آلتا
آياقلاريندان.
او گوندن بري
باليقلار اوچون
باليقلار اوچون
صمد درس وئرير.
آرتيق هئچ باليق
او گوندن بري
تورا دوشمه يير.
او گوندن بري
تورا دوشمه يير.
گؤنده ر
بؤلوم لر:
آمان‌سيز حياتين اليمدن آلديغي
بئله رحم‌سيز
بئله قدار
بير چوخ شئي اولدو.
شاشديم، قالديم
دوندوم،قالديم
گؤردوم،يانديم
يانديم،گؤردوم
اريديم،اريديم چؤپه دؤندوم.
بو حياتين قيفيلينين آچاري بلكه بير سؤزدور،
آمان‌سيز حياتين اليمدن آلماديغي
يئگانه بير شئي وارسا
او دا سيخ بير مئشه‌ليك‌دن دوروخان
ماتديم‌ـ ماتديم ايكي گؤزدور.
پارساباد
8/2/1384
Amansız həyatın əlimdən aldığı
Belə rəhmsiz
Belə qədar
Bir çox şey oldu.
Şaşdım, qaldım
Dondum, qaldım
Gördüm, yandım
Yandım, gördüm
əridim, əridim çöpə döndüm.
Bu həyatın qifilinin açarı bəlkə bir sözdür,
Amansız həyatın əlimdən almadığı
Yeganə bir şey varsa
O da sıx bir meşəlikdən duruxan
Matdım- matdım iki gözdür.
Parsabad
1384/2/8
گؤنده ر
بؤلوم لر:
یارپاق لار:
[1]